"Pop Mart" тоглоомын компанийн үүсгэн байгуулагч Уан Нинг "Labubu" нэртэй бяцхан тоглоомын дүрээрээ дэлхийн хэрэглэгчдийн сэтгэлийг татаж, Хятадын хамгийн баян эрхмүүдийн нэг боллоо. 

2024 оны сүүлээр Лиса "Labubu"-г сурталчлан олон нийтэд хүргэснээр уг дүр дүрсгүй эрэлттэй болж, зөвхөн 2024 онд "The Monsters" цуврал Pop Mart компанийн нийт орлогын 23 хувийг бүрдүүлжээ. Компанийн орлого 13.04 тэрбум юаньд хүрч, ашиг 200 гаруй хувиар өссөн байна.

Үүний нөлөөгөөр Pop Mart-ийн хувьцааны ханш огцом өсч, Уан Нингийн хувийн хөрөнгө нэг өдрийн дотор 1.6 тэрбум ам.доллараар нэмэгдэж, Forbes болон бусад жагсаалтаар Хятадын тэргүүлэх баячуудын эгнээнд багтжээ. Одоогоор түүний нийт хөрөнгө 18–23 тэрбум ам.долларын хооронд гэж тооцогдож байна.

Уан Нинг гэж хэн бэ?

• 1987 онд Хэнан мужид төрсөн, 2009 онд Жэнжөү их сургуульд сургуульд сурч сурталчилгааны мэргэжлээр төгссөн.
• Эхлээд Weibo-ийн эзэнт Сина корп-д ажиллаж байгаад 2010 онд Pop Mart байгуулжээ
• Hong‑Kong бирж дээр 2020 онд амжилттай IPO хийж, хөрөнгө босгож, дэлхийн тансаг төвүүдэд өргөжиж эхэлжээ
• 2025 оны 6-р сард Labubu феномены нөлөөгөөр Уан Нингийн хөрөнгө ойролцоогоор 22.7 тэрбум америк доллар болж Хятадын 10 дугаар баян эрхмээр нэрлэгдэв
• Дэлхийн 21 оронд 200 салбар дэлгүүр, 1000+ “roboshop” машин ажиллаж байна

Тоглоомын зах зээлд Labubu шиг брэндийн өсөлт нь зөвхөн хэрэглэгчдийн сонирхол төдийгүй маркетинг, нийгмийн сүлжээний хүч, хязгаарлагдмал нийлүүлэлтийн стратегитай салшгүй холбоотой гэж шинжээчид онцолж байна.