BIGBANG хамтлагийн гишүүн T.O.P (Чой Сын Хён) удахгүй бие даасан уран бүтээлээрээ эргэн ирэх гэж буйгаа албан ёсоор мэдэгдлээ. Тэрбээр энэ тухайгаа өнөөдөр /2025.06.13/ өөрийн Instagram хуудсаар дамжуулан олон нийтэд мэдээлсэн байна.

"Би өөрийн анхны бүрэн хэмжээний соло альбомаа тун удахгүй гаргах гэж байна. Та бүхний хүлээлтэд нийцэхийг хичээнэ" хэмээн бичжээ.

T.O.P нь 2022 онд YG Entertainment-ээс гарч, BIGBANG хамтлагтай уран бүтээлийн хувьд завсарлага авснаа зарласан. Үүнээс хойш тэрбээр хувийн уран бүтээл, уран зургийн чиглэлээр ажиллаж байсан бөгөөд энэ удаагийн соло цомог нь түүний уран бүтээлийн шинэ шат болох төлөвтэй байна.

T.O.P-ийг фэнүүд нь анх удаа бүрэн хэмжээний цомог гаргаж байгаад баяртай байгаа бөгөөд түүний хөгжмийн өнгө, сэтгэлгээ хэрхэн өөрчлөгдсөнийг сонирхон хүлээж байна.