Сүүлийн үед дэлхийн загварын тайзнаа “депресстсэн мэт” буюу цэгцгүй, сэгсийсэн төрхтэй үсний засалтууд хүчтэй тренд болж эхэлжээ. Энэ төрлийн загварыг зарим хэвлэл “depression-core” гэж нэрлэж буй бөгөөд Prada зэрэг алдартай загварын орднуудын 2025 оны хавар/өвлийн шоунаас анх олны анхаарлыг татсан байна.

Энэ төрлийн үсний гол онцлог нь:

1. Дөнгөж унтаад боссон мэт харагдах,
2. Засалтгүй мэт сэгсгэр бүтэцтэй,
3. Бороонд норсон, анзааралгүй үлдээсэн зэрэг төрхийг харуулж байна.

TikTok болон Instagram-д хэрэглэгчид уг трендийг “bed-rotting look”, “sad-boy hair” хэмээн хошигнон нэрлэж, гэртээ олон хоног үсээ самналгүй суух үеийн төрхтэй зүйрлэж байна.

Харин зарим загварын шүүмжлэгчид энэхүү хэв маягийг:

“Сэтгэл гутралыг романтизм болгон загвар болгох нь ёс суртахууны хариуцлага үгүй үйлдэл” хэмээн буруушааж байна.

Сэтгэл судлаачдын зүгээс ч мөн:

“Сэтгэл гутрал бол өвчин. Үүнийг загвар болгож дүрслэх нь тухайн өвчний бодит, эмзэг мөн чанарыг бүдгэрүүлж болзошгүй” хэмээн анхааруулж байгаа юм.

Гэсэн ч “Depression-core” гэх энэ төрлийн стилийг тодорхой үеийн сэтгэлзүйг илэрхийлсэн урлагийн хэлбэр гэж үзэх загвар зохион бүтээгчид ч байна. Ямар ч тохиолдолд, энэ тренд нь зөвхөн үс засалт биш, харин орчин цагийн залуусын дотоод мэдрэмж, амьдралын хэв маягийг тусгаж буй соёлын илэрхийлэл болж байгааг үгүйсгэх аргагүй юм.