Бурхан багшийн Их дүйчин өдөрт зориулсан “Агнистын гэгээ” уншигчийн уулзалт, бясалгал Монгол Улсын Үндэсний Номын Сангийн Төв байрны Уншлагын их танхимд болов. Уншигчийн уулзалт, бясалгалыг “Агнистын гэгээ” цувралын дуун хөрвүүлэгч П.Бадрал хөтлөн явууллаа. Их дүйчин өдөрт зориулсан уг үйл ажиллагаанд оролцсон 150 орчим хүн Монгол Улсын Үндэсний Номын Сангийн Үнэт ховор номын музейг үзэж сонирхон VIII Богд Жавзандамба хутагтын нандигнан шүтэж байсан ном судраас адис хүртэцгээв. Уншигчийн уулзалт, бясалгалын үеэр "Агнистын гэгээ" цувралаас сэдэвлэж, Бурхан багшийн сургаалаас эшлэн бүтээсэн Л.Доржбат зураачийн "Өөрөө өөртөө гэрэл бол" уран зургийн ном болон номд орсон уран зургуудаар үзэсгэлэн дэлгэж, нийтийн хүртээл болгосон юм.