K-pop-ын дэлхийн од болсон BLACKPINK хамтлаг 2025 оны зургаадугаар сарын 6-наас хойш шинэ клипний зураг авалтдаа орсныг "YG Entertainment" албан ёсоор мэдээллээ. Энэ удаа тэд өмнөхөөсөө өөрөөр, Солонгост зураг авч буй ч алдартай гадаад найруулагчийн удирдлага дор ажиллаж буй нь олон нийтийн анхаарлыг татаж байна.

YG Entertainment мэдэгдэлдээ:

“BLACKPINK-ийн шинэ төслийн бэлтгэл амжилттай үргэлжилж байгаа бөгөөд клипний зураг авалт эхэлсэн. Уран бүтээлийн чанарт өндөр анхаарч, дэлхийн хэмжээний багтай хамтран ажиллаж байна.” хэмээжээ.

Хамтлагийн фенүүд энэ мэдээллийг сонсоод шинэ дуу, шинэ стиль, шинэ дүр төрхийг тэсэн ядан хүлээж эхэлжээ. Шинэ клипний нэр, гаргах огноо одоогоор албан ёсоор зарлагдаагүй байгаа ч, олон улсын хөгжмийн тавцанд дахин тэсрэлт хийх боломж гэж шинжээчид үзэж байна.