Өчигдөр /2025.06.05/ болсон хоёр дахь шүүх хуралдааны үеэр шүүхээс эвлэрэх боломжийг санал болгосон ч "NewJeans"-ийн тал үүнийг эрс татгалзжээ. Тэдний хуульч "Итгэлцэл бүрэн эвдэрсэн. Бид нэгэнт гол гаталсан, буцах замгүй болсон" хэмээн мэдэгдсэн байна.

NewJeans хамтлаг 2024 оны 11-р сард гэрээгээ цуцалж байгаагаа зарласан бөгөөд ADOR-ыг гэрээний үүргээ биелүүлээгүй, уран бүтээлчдийг буруугаар хандсан гэж үзжээ. Харин ADOR гэрээ хүчин төгөлдөр хэвээр бөгөөд хамтлагийн бие даасан үйл ажиллагааг хориглохыг шүүхээс хүссэн байна. 2025 оны гуравдугаар сард шүүх "NewJeans"-ийн бие даасан үйл ажиллагааг хориглосон шийдвэр гаргасан бөгөөд 5-р сарын 30-нд тус шийдвэрийг дахин баталгаажуулж, зөрчил бүрт ₩1 тэрбум вон (ойролцоогоор $735,000) төлөх торгууль ногдуулахаар шийдвэрлэсэн байна.

Шүүхийн дараагийн хуралдаан 2025 оны 7-р сарын 24-нд товлогдсон бөгөөд энэ нь NewJeans хамтлагийн ирээдүйд чухал нөлөө үзүүлэх юм. Хэрэв шүүх ADOR-ын талд шийдвэр гаргавал хамтлагийн гишүүд гэрээний үүргээ үргэлжлүүлэн биелүүлэх шаардлагатай болно. Харин NewJeans хамтлагийн талд шийдвэр гарвал тэд уран бүтээлээ бие даан үргэлжлүүлэх боломжтой болох юм.