Их Британийн алдарт Coldplay хамтлагийн дуучин Крис Мартин, Америкийн жүжигчин Дакота Жонсон нар 8 жилийн хамтын амьдралынхаа дараа салсан тухай олон улсын хэвлэлүүд мэдээлж эхэллээ.

Эх сурвалжуудын мэдээлснээр тэдний салалтын гол шалтгаан нь хүүхэдтэй болох асуудлаас үүдэлтэй байсан аж. Дакота Жонсон гэр бүлээ өргөжүүлэхийг хүсч байсан бол Крис Мартин өмнөх эхнэр Гвинет Пэлтроугоос төрсөн хоёр хүүхэдтэйгээ хангалттай гэж үзжээ.

Мөн тэдний насны зөрүү, завгүй уран бүтээлч амьдрал, ирээдүйн үзэл бодлын зөрчил нь харилцаанд сөргөөр нөлөөлсөн гэж ойрын эх сурвалжууд мэдээлж байна.

Хосууд өмнө нь хэд хэдэн удаа салж, эргэн нийлж байсан ч энэ удаагийн салалт нь “эцсийнх” гэдгийг ойрын эх сурвалжууд онцолжээ. Тэд өнгөрсөн тавдугаар сард Малибуд сүүлчийн удаа хамтдаа харагдсан байна.

Салалтын дараа жүжигчин Дакота Жонсон “Materialists” хэмээх шинэ киноныхоо уран бүтээлд анхаарлаа хандуулж байгаа бол Крис Мартин Coldplay хамтлагийнхаа “Music of the Spheres” дэлхийн аялан тоглолтоо үргэлжлүүлж байна