Холливудын жүжигчин Sydney Sweeney өөрийн ванны уснаас гаргаж авсан орцтой онцгой саван худалдаанд гаргасан нь олны анхаарлыг татаад байна. 

Тэрбээр байгалийн гаралтай арьс арчилгааны бүтээгдэхүүнээрээ алдартай "Dr. Squatch" брэндтэй хамтран “Sydney’s Bathwater Bliss” нэртэй хязгаарлагдмал тоотой савангийн шугамыг танилцуулсан байна.

Уг саван нь түүний ванны усны дуслыг агуулсан бөгөөд 5,000 ширхэг л үйлдвэрлэгдсэн. Савангийн найрлагад нарсны холтос, элс, хөвд зэрэг байгалийн гаралтай орц орсон бөгөөд ой модны анхилуун үнэртэй. Нэг ширхэг нь 8 ам.долларын үнэтэй аж.

Суинигийн энэхүү содон санаа нь түүний өмнөх сурталчилгааны дараа фенүүдийн зүгээс “ванны усыг нь худалдаж авмаар байна” гэх хошигнолоос үүдэлтэй аж. Жүжигчин бүсгүй энэхүү шуугианыг бүтээлч байдлаар ашиглаж, фенүүддээ зориулсан шинэ бүтээгдэхүүн гаргаснаа хэлсэн байна.