“Lilo & Stitch” болон “Mission impossible: The final reckoning” кино бокс оффисын жагсаалтыг тэргүүллээ. Амралтын өдрүүдийн бокс оффисын орлого 149 сая ам.долларт бүртгэгдэж, өнгөрсөн жилийн мөн үеэс 120 хувиар өссөн үзүүлэлттэй гарчээ.

“Disney”-ийн кино болон анимейшн хосолсон “Lilo & Stitch” кино нь Хойд Америкийн 4,410 кино театраас 63 сая ам.долларын орлого олж, жагсаалтын нэгдүгээрт бичигджээ. Энэхүү үзүүлэлт нь “Sinners” киноны орлогоос давсан дүн бөгөөд энэ жилийн хамгийн өндөр орлоготой хоёр дахь кино боллоо. Дэлхий даяар тус киноны нийт орлого 610.8 сая ам.долларт хүрээд байна. Энэ нь зөвхөн хэдхэн хоногийн орлого бөгөөд уг үзүүлэлт цаашдаа ч өсөх төлөвтэй байна.

“Disney”-ийн бүтээл болох “Lilo & Stitch” нь анх 2002 онд гарсан, хайр, гэр бүл, нөхөрлөлийн талаар өгүүлдэг инээдэм, уянгын анимэйшн буюу хүүхэлдэйн кино юм. 2025 онд уг киног дэлгэцнээ дахин амилуулж ийнхүү амжилтад хүрээд байна.

Харин “Sinners” кино долоо дахь долоо хоногтоо 5.2 сая ам.долларын орлогыг нэмж олсон бөгөөд АНУ дахь нийт орлого нь 267.1 сая ам.доллар, дэлхийн хэмжээнд 350.1 сая ам.долларт хүрсэн байна.