Солонгосын алдарт жүжигчид болох Пак Бугом болон Ким Со Хён нар анх удаа хамтран гол дүр бүтээж буй шинэ телевизийн цуврал “Good Boy” 2025 оны 5-р сарын 31-ний Бямба гарагт албан ёсоор нээлтээ хийх гэж байна.

 Цуврал нь JTBC сувгаар долоо хоног бүрийн Бямба, Ням гарагуудад 22:40 цагаас гарч эхлэх бөгөөд Монголын үзэгчдэд Amazon Prime Video платформоор дамжуулан хүргэнэ.

Цувралын агуулга нь “Good Boy” нь олимпийн медальт тамирчид тусгай хөтөлбөрөөр цагдаагийн албанд орж, гэмт хэргийн эсрэг хамтдаа тэмцэж буй адал явдалт, инээдмийн төрлийн бүтээл юм.

 Уг бүтээлд:

• Park Bo Gum – боксын аварга Yoon Dong Joo,

• Kim So Hyun – буудлагын тамирчин Ji Han Na,

• Lee Sang Yi – туялзуур сэлэмчин Kim Jong Hyun,

 • Heo Sung Tae – бөхийн тамирчин Go Man Sik,

• Tae Won Suk – диск шидэгч Shin Jae Hong нарын дүрийг бүтээжээ.

Энэхүү цуврал нь спортын ертөнцөөс хууль сахиулах салбарт шилжсэн залуусын эр зориг, багаар ажиллах чадвар, шударга ёсны төлөөх тэмцлийг харуулснаараа онцлог юм. Цувралын олон улсын нээлт Тайланд улсад зохион байгуулагдах бөгөөд жүжигчдийн баг албан ёсоор оролцох төлөвтэй байна.