Дэлхийн алдарт поп дуучин Жастин Бибер санхүүгийн хүнд нөхцөл байдалд орж, 200 сая ам.долларын үнэлгээтэй 290 дуунаас бүрдэх дууны каталогийг 2022 оны сүүлээр Hipgnosis Songs Capital компанид худалджээ.  Энэхүү дууны каталогт “Baby,” “Sorry,” “What Do You Mean?”, “Love Yourself” зэрэг дэлхийн хит дуунууд нь багтсан байна.

Жастины санхүүгийн асуудал нь 2022 онд “Justice” дэлхийн аялан тоглолтоо эрүүл мэндийн шалтгаанаар цуцалсны улмаас үүссэн бөгөөд энэ нь түүнд ойролцоогоор 24 сая ам.долларын алдагдал авчирсан аж. Улмаар дуучин менежер Скутер Браунаас зээл авсан ч одоогоор 8.8 сая ам.долларын өртэй үлджээ.

Өр төлбөртэй холбоотойгоор хоёр талын хооронд ашиг орлогын маргаан гарч, олон улсын аудитын компани (PwC)-ийн шалгалтын дараа өрийн хэмжээ буурчээ.

Жастин Биберийн санхүүгийн нөхцөл байдал болон өрийн маргаан нь түүний хувийн болон мэргэжлийн амьдралд сөргөөр нөлөөлж, олон нийтийн анхаарлын төвд орсон хэвээр байна.