Солонгосын алдарт дуучид, уран бүтээлчид Монгол Улсад ээлж дараалан ирэн тоглолт хийж, олныг баясгаж билээ. Тэгвэл ирэх сарын 21-нд болох гэж буй Солонгосын алдарт “Big Bang” хамтлагийн гишүүн Тэ Ян-ий тоглолтын гэнэтийн бэлэг эхнээсээ задарч хүчирхэг хоолойтой дуучин Ailee тоглолтод оролцох буйгаа мэдэгдлээ.

Тэгвэл олны хайртай дуучин Ailee-н талаарх онцлох баримтуудыг бэлтгэлээ. 

1. Ailee буюу Эми Ли 1989 оны тавдугаар 30-ны өдөр АНУ-ын Колорадо мужийн Денвер xотод төрж, өссөн солонгос гаралтай Америк уран бүтээлч юм. Эми Ли 2010 онд БНСУ-д нүүж очсон бөгөөд 2012 онд “Heaven” дуугаараа дебютээ xийсэн байдаг. Эндээс уран бүтээлийн гараагаа эхлүүлсэн түүний хувьд 2015 онд анхны цомгоо “Vivid” нэртэйгээр гаргаснаас хойш гурван ч цомгоор фэнүүддээ бэлэг барьжээ.
2. Тэрбээр 2012 онд анхны уран бүтээл болох "Heaven" дуугаараа дебютээ хийсэн бөгөөд энэ нь gaon digital chart-ийн 3-р байранд орж, Melon Music Awards, Golden disc Award, Gaon Chart K-Pop Awards, Seoul Music Awards-аас шилдэг шинэ уран бүтээлчийн шагналыг хүртсэн. Мөн түүний хувьд энэ дуугаараа Music Bank хөгжмийн нэвтрүүлэгт оролцож “Gangnam style” дуутай өрсөлдөн, ялалт байгуулж анхны цомоо авчирч байжээ. Мөн 55 дахь “Грэммийн Шагнал Гардуулах Ёслол”-ын өмнөх үдэшлэгт тусгай зочноор оролцож “Өсөж Буй Од” хэмээх шагналыг авсан юм.
3. 2017 онд “GOBLIN”-ий дууг дуулсан нь Эйлийд санаанд оромгүй их амжилт авчирсан юм. Тус оны нэгдүгээр сарын 7-нд цацагдсан “I Will Go to You Like the First Snow” дуу  PAK (Perfect All Kill) буюу бүх Өмнөд Солонгосын томоохон чартуудад  нэгдүгээрт орж чаджээ.
4. Солонгос дуучдын хувьд сайхан харагдах гэдэг бол хамгийн чухал зүйл гэдгийг хүн бүр мэднэ. Тиймээс тэдний жин барих, турах аргууд нь олон хүмүүсийг цочирдуулах нь түгээмэл. Учир нь өдрийн турш чихэрлэг төмс идэж, нэг аяга сүү ууж жингээ барих нь хүн бүрийн хувьд боломжтой зүйл гэж үү? Дуучин Эйлийгийн хувьд жингээ барих нь хамгийн хэцүү зүйл байсан бөгөөд “дуучин” байхын тулд өөрийн жингээс болж маш их хямардаг байжээ.
5. үүний жинг 49-50 кг байх ёстой гэдэг ба тайзан дээр гарахаас өмнөх өдрүүдэд маш их дэглэм барьдаг байжээ. Харин Hidden Singer нэвтрүүлэгт оролцох үеэрээ “Би өөрийгөө ямар харагдаж байгаадаа санаа зовохоо болихоор шийдсэн. Би зөвхөн дуулахдаа л анхаарна. Ер нь хамгийн чухал зүйл бол өөрийгөө хайрлах шүү дээ” гэж хэлсэн байна.
6. Солонгос болон Азийн xөгжмийн наадмуудаас 39 шагнал xүртсэн Ailee бол K Pop урсгалын өнгийг тодорxойлж байгаа томооxон уран бүтээлчдийн нэг. 
7. Дуучин Айли /35 настай/ "Single’s Inferno" шоуны оролцогч, гурван насаар дүү Чой Ши Хүнтэй өнгөрсөн дөрөвдүгээр сард хуримаа хийсэн.