Монгол сүмоч Ичиножёо буюу А.Ичинноров нурууны архаг гэмтлийн улмаас зодог тайлж буйгаа 2023 оны тавдугаар сарын 4-ний өдөр зарлаж байсан. Түүний хувьд зодог тайлаад удалгүй кино урлагт хүч сорихоор АНУ-ыг зорьсон юм. Тэрбээр 1900 оны үед Японы сүмочид Америкт аялж байгаа түүхийг өгүүлсэн “The Wide West” гэх бүрэн хэмжээний уран сайхны кино бүтээсэн бөгөөд энэхүү уран бүтээл тавдугаар сард Каннын кино наадмаар нээлтээ хийх юм. Тус кинонд Ичиножёо, жюүрёод барилдаж байсан Хишёонофүжи хоёр сүмо бөхийн дүрийг бүтээжээ. 

Киноны ерөнхий продюсер Andrew Freund " Ичи үгээ маш сайн цээжилж, дасгал хийдэг. Зураг авалт дээр найруулагч ОК гэж хэлсэн ч би илүү сайн чадна гээд дахиж зураг авхуулдаг залуу. Мэргэжлийн сүмод түрүүлж байсан хүн аргагүй өөр юм” гэж сайшаажээ.