Долоодугаар сарын 7-ны 08:00 цагийн байдлаар Сэлбэ гол үерийн аюултай түвшинг 5-10 см давсан байдалтай байна. Өнгөрсөн өдрийн 20:00 цагийн ажиглалтаас хойш усны түвшин 5-8 см буурсан. 

Тэрэлж орчмоор усны түвшин өмнөх 20:00 цагаас хойш 28 см буурч, үерийн түвшнийг 45 см давлаа.

Туул гол өмнөх өдрийн 20:00 цагаас хойш найман см нэмэгдэж, үерийн аюултай түвшнийг таван см даван хүчтэй үерлэж байна. Туул гол Улаанбаатар хот орчимд усны түвшин дахин нэмэгдэж, 270 см болох магадлалтай байгаа аж.