Монгол улсын Үндсэн хуулийн арван зургаадугаар зүйлийн 14/-т "...өөрийн болон гэр бүлийн гишүүд, эцэг эх, үр хүүхдийнхээ эсрэг мэдүүлэг өгөхгүй байх..." тунхагласан.

Уг эрхийг Эрүүгийн хэрэг хянан шийдвэрлэх тухай хуулийн 8.2 дугаар зүйлийн 1 дэх хэсгийн 1.14-т "өөрийн болон гэр бүлийн гишүүд, эцэг эх, үр хүүхдийнхээ эсрэг мэдүүлэг өгөхгүй байх", 9.6 дугаар зүйлийн 5-д "Гэрч өөрийн болон гэр бүлийн гишүүд, эцэг эх, үр хүүхдийнхээ эсрэг мэдүүлэг өгөхгүй байх эрхтэй", 31.8 дугаар зүйлийн 1 дэх хэсгийн 1.5-д "өөрийнхөө эсрэг мэдүүлэг өгөхгүй байх", 31.11 дүгээр зүйлийн 1-т "Мөрдөгч сэжигтнээс мэдүүлэг авахын өмнө түүнд ямар хэрэгт холбогдуулан мэдүүлэг авч байгаа талаар танилцуулж, өөрийн болон гэр бүлийн гишүүд, эцэг эх, үр хүүхдийнхээ эсрэг мэдүүлэг өгөхгүй байх" эрхийг тайлбарлана гэснийг тус тус зөрчиж мөрдөн шалгах ажиллагаа явуулсан байна.

Прокурор уг эрхийг зөрчиж худал мэдүүлэг өгсөн гэж эрүүгийн хэрэг үүсгэн, яллагдагчаар татаж, улмаар яллах дүгнэлт үйлдэж шүүхэд шилжүүлсэн байна. Улсын дээд шүүхээс хэрэгсэхгүй болгож шийдвэрлэжээ.

Эх сурвалж: Өмгөөллийн "Юстиниан ХХН" хуулийн фирм