О.Уламсайхан Л.Оюун-Эрдэнийн засгийн газрыг огцруулах жагсаалаар олны анхаарлын төвд орж ирсэн. Жагсаалтай зэрэгцэн түүнийг тодорхойлох мэдээллүүд гарч эхэлсэн нь "Ноорог"-ийг байгуулсан, мөн найз охин нь амиа алдсан хэрэгт шалгагдаж байгаа гэх мэт. Оны өмнө тэрбээр бусдад хутгалуулж, бас оны шилдэг нөлөөлөгч шагнал хүртсэн. 

Харин шинэ он гарангуут О.Уламсайханы шалгагдаж байсан хэргийн талаар хэвлэлүүд мэдээлж эхэллээ. Тодруулбал, найз охин нь амиа хорлож нас барсан хэрэгт түүнийг яллагдагчаар татаж, найм хүртэлх жилээр хорих ялтай зүйл ангиар хэрэг үүсгэжээ.

Эрүүгий хуулийн 10.4 дүгээр зүйл:  Хүнийг амиа хорлох нөхцөл байдалд хүргэх 

1.Эд хөрөнгө, албан тушаал, гэр бүлийн хамаарал бүхий харилцаа, бусад нөхцөл байдлын улмаас эрхшээлдээ байгаа хүнийг байнга хүчирхийлсэн, доромжилсон, зодсон, тамлан зовоосон, айлган сүрдүүлсний улмаас амиа хорлоход гарцаагүй хүргэсэн бол хоёр жилээс найман жил хүртэл хугацаагаар хорих ял шийтгэнэ.

Тайлбар: -Энэ хуульд заасан "гэр бүлийн хамаарал бүхий харилцаа" гэж гэр бүлийн гишүүд, бусад шалтгаанаар хамт амьдарч байгаа, гэрлэлт нь цуцлагдсан, бусад шалтгаанаар хамт амьдарч байгаад больсон хүн, асран хамгаалагч, харгалзан дэмжигч, асрамжийн үйлчилгээ үзүүлж байгаа хүн, тэдгээрийн асрамжид байгаа хүмүүсийн хоорондын харилцааг ойлгоно.