Хавдар судлалын үндэсний төвд “Робот мэс засал эмчилгээ”-г анх удаа амжилттай хийж, Монгол Улс энэхүү дэвшилтэт технологийг нутагшуулсан дэлхийн 70 дахь орон боллоо. Хэдийгээр өндөр хөгжилтэй орнуудаас олон жилийн дараа энэ технологийг нэвтрүүлж байгаа ч манай улсын эрүүл мэндийн салбар дэлхийн жишигт хүрэхийн төлөө тууштай урагшилж буйн тод илрэл юм. Робот мэс засал бол мэс засалч бидний “гурав дахь гар”. Хүний гар хүрэхэд хэцүү, маш нарийн бүтэцтэй хэсэгт өндөр нарийвчлалтай ажиллах боломж олгодог дэлхийн хамгийн сүүлийн үеийн технологи бөгөөд цаашид бүрэн нутагшсанаар зайнаас мэс засал хийх, иргэдийг гадаад улсад өндөр зардлаар эмчлүүлэх шаардлагыг бодитоор бууруулах суурь бүрдэнэ.

Энэ амжилтын ард:

• Гурван жилийн тасралтгүй бэлтгэл,

• Олон улсын хамтын ажиллагаа,

• Хамгийн гол нь монгол эмч нарын ур чадвар, зориг байлаа.

Хавдар судлалын үндэсний төвийн эмч, сувилагч, инженер, баг хамт олноор үнэхээр бахархаж байна. Та бүхэн Монголын эрүүл мэндийн салбар дэлхийн түвшинд хүрэх бүрэн боломжтой гэдгийг бодитоор харууллаа. Цаашид шинэ, дэвшилтэт технологийг тасралтгүй нэвтрүүлж, иргэдээ гадаад улсад бус эх орондоо чанартай эмчлүүлэх нөхцөл боломжийг бүрдүүлэхийн төлөө салбарын хамт олонтойгоо хамтран зүтгэхээ илэрхийлье хэмээн ЭМ-ийн сайд асан, УИХ-ын гишүүн Т.Мөнхсайхан мэдээллээ.