Богд ууланд олон нийт, байгальд ээлтэй иргэдийн дэмжлэгээр 3 га талбайд 3000 ширхэг модыг  2021 онд мод тарьж, үүнээс хойш санаачлагч газар нь усалгаа, арчилгаагаа хариуцаад явж байгаа аж. Гэтэл өнгөрсөн баасан гарагийн орой түр хашааг нь эвдэж дотор нь өвс буулгажээ.

Энэ талаар иргэн Ж.Энхжаргал "Хашааг сэргээн засаж дотор буулгасан өвсийг манай хамт олон шилжүүлж задгай талбайд зөөж байршууллаа. Үүнийг хийсэн эзнийг тодруулахад нөгөө байгаль орчноо хамгаалах үүрэгтэй Богдхан уулын дархан цаазат газрын хамгаалалтын захиргааны ажилчид болохыг тогтоов. Дахиад ийм зүйл байхгүй шүү. Нэг хэсэг хүмүүс нь сайн дураараа байгаль орчноо хамгаалах үйлсэд нэгдэн хариуцсан талбайд моднуудаа ургуулах гэд хичээж байхад нөгөө хэсэг хүмүүс нь түүнийг нь сүйтгээд байж болохгүй. Энэ талбайд одоохондоо мал ан амьтан оруулах болоогүй. Зулзаган моднууд нас биед хүрэх арай болоогүй байна. Цаг нь болохоор түр хашааг нь буулгана. Хурдан шуурхай хамтран ажилласан Экологийн Цагдаагийн Алба-нд баярлалаа. Мэдээлэл түргэн шуурхай өгсөн иргэддээ бас баярлалаа" гэв.