Монголын Үндэсний мал эмнэлгийн холбооноос “Орон нутгийн мал эмнэлгийн үйлчилгээний хөлс олгогдоогүй” асуудлаар Сангийн яаманд шаардлага хүргүүлээд буй.

Орон нутгийн малын эмч нарын төлөөлөл "Галзуу үхэртэй хашаанд, эмнэг адуутай бэлчээрт, бог малыг хөлдөж чирч халдварт, халдваргүй өвчнөөс урьдчилан сэргийлэх, оношлох, эмчлэх нөр хүнд ажлыг сэгсийж, сайртталаа, хуруу гараа хайрагдтал явж хийдэг малын эмч нарынхаа хөдөлмөрийн хөлсийг улс өгөлгүй он дуусгаж байгаа юм байна. Хүнд ажилтай хамгийн хямд хөлстэй ШООВДОРЛОГДСОН хүмүүс бол малын эмч нар. Их хүлцэнгүй, хүлээцтэй хүмүүс юмуу эсвэл ....... хүмүүс юм уу. Төрийн албаныхан доод тал нь сард сая гаруй жилд 10 хэдэн сая төгрөгийг ширээний ард дулаан газар сууж байгаад авчхаад бага байна нэмүүлнэ гээд бгаа биз дээ. Эрсдэлтэй ажилд зүтгэж, бэртэж гэмтсэн ч хөлөө чирээд босоод ажлаа үргэлжлүүж байгаа. Малын эмч нар нэмүүлэх тухай ер дуугараагүй, одоо мөрдөж байгаа өлөн зэлмүүн тарифаараа хийсэн зүтгэсэн ажлын минь хөлсийг өгөөч өр ширнээсээ гаръя л гээд байгаа. Эмийн худалдааны газрууд, ажилчид цалин,төлбөрөө нэхэж байна, ар гэр, үр хүүхдүүд нь амаа тосоод хүлээж байна. Яасан хүний төлөө биш нийгэм, дарга, удирдлагууд бнаа. Эрүүл хүнс, хүнсний аюулгүй байдлын төлөө номер нэгд явж бгаа хүмүүс чинь МАЛЫН ЭМЧ НАР шүү дээ. Одоо зарим газар халдварт өвчин гарсан, малын эмч нар л явж байна. Хөлсгүй бол бүү хөдөл. Хамгийн муу хөлсөө нэмүүлэхийн төлөө тэмц. Хамгийн үнэтэй мэргэжил, ажил үйлчилгээг бүү үнэгүйдүүл. Хүн төрлөхтний эмч нар шүү Та нар минь" гэв. 

Энэ онд малын халдварт өвчнөөс урьдчилан сэргийлэх, хүнсний аюулгүй байдлыг хангах чиглэлээр энэ онд улс даяар 1000 гаруй аж ахуйн нэгж үйлчилгээ үзүүлсэн ч үйлчилгээний хөлс болох нийт 20.1 тэрбум төгрөгийг олголгүй төрийн сан хаажээ. Хэрвээ эдгээр ААН мөнгөө авч чадахгүй бол ирэх онд малын халдварт өвчин олноор гарах эрсдэл бий болно гэж тус холбооноос анхааруулаад байгаа юм.