Сүхбаатар аймгийн Эрдэнэцагаан сумын төвд тогтоол усанд өсвөр насны хоёр хүүхэд живсэн тухай дуудлагыг онцгой байдлын алба өчигдөр 14:55 цагт хүлээн авчээ.

Энэ дагуу тус аймгийн Онцгой байдлын газрын Эрдэнэцагаан сум дахь Гал түймэр унтраах, аврах 47 дугаар ангийн алба хаагчдыг очиход 11 настай хоёр хүү 20 метрийн урт, 5 метр өргөн, 2 метрийн гүнтэй тогтоол усанд живж нас барсан тул цогцсыг гаргаж Цагдаагийн байгууллагад шилжүүлэн өгсөн хэмээн Онцгой Байдлын Ерөнхий Газраас мэдээлэв.

Иймд эцэг эх, асран хамгаалагч та бүхэн хүүхдэдээ анхаарал халамж тавьж, болзошгүй аюулаас сэрэмжлүүлж байхыг зөвлөж байна.