Цаг уур орчин, шинжилгээний газраас энэ сарын 10-ны байдлаар нийт нутгийн зуншлага ямар байгаа үнэлгээг танилцууллаа. 

Тус үнэлгээгээр нийт нутгийн 10 гаруй хувьд муу, 40 орчим хувьд дунд, 50 орчим хувьд зуншлага хэвийн байгаа аж. Тодруулбал

• Өмнөговь Дорноговийн ихэнх,
• Дундговь, Сүхбаатарын зарим
• Увс,  Говь-Алтай, Баянхонгор, Өвөрхангай, Хэнтийн цөөн сумын нутгаар зуншлага муу байгаа юм.

Харин нийт нутгийн 40 орчим хувьд зуншлага дунд гэсэн нөхцөл байдалтай буйг онцлов. Тэгвэл нийт нутгийн 50 орчим хувьд зуншлага хэвийн үргэлжилж байна. Үүнд:

• Хөвсгөл, Булган, Орхон, Дархан-Уул, Сэлэнгэ, Улаанбаатарын нийт нутгаар,
• Завхан, Архангай, Төв, Хэнтий, Дорнодын ихэнх нутгаар,
• Баян-Өлгий, Увс, Ховд, Говь-Алтай, Баянхонгор, Өвөрхангай, Сүхбаатарын зарим,
• Дундговь, Дорноговийн цөөн сумдын нутгаар зуншлага хэвийн байна.