2015 онд анх зохион байгуулагдсан “Comedy Wildlife Photography” амьтны сэдэвтэй шилдэг гэрэл зураг шалгаруулах уралдааны төгсгөлийн шатны шалгаруулалт эхэлжээ. Африкт олон жил ажилласан британи гэрэл зурагчин Пол Жойсон Хикс уралдааныг санаачилсан бөгөөд нэгэн удаа авсан зурагнуудаа ялгаж байхдаа дотор нь хөгжилтэй, инээд хүрмээр агшнууд байхыг анзаараад энэхүү уралдааны санаагаа олсон гэдэг. Тэрээр ийм байдлаар хүмүүсийн анхаарлыг онгон байгаль, зэрлэг ан амьтдад хандуулна гэж тооцоолсныг найз нөхөд нь дэмжсэнээр анхны уралдаанаа зохион явуулж байсан түүхтэй. Бид энэхүү шалгаруулалтын эцсийн шатанд тунаж үлдсэн бүтээлүүдийн 10-ыг та бүхэндээ хүргэж байна.  

Эцсийн шатанд 42 бүтээл тунаж үлдсэн бөгөөд ялагчийг ирэх сарын 22-ны өдөр зарлана. Хүссэн хэн ч өөрт таалагдсан зургандаа онлайнаар саналаа өгөх боломжтой гэдгийг танд дуулгая.