Солирын бороо нь дэлхийн тойрог зам сүүлт одны замтай огтлолцох үед үүсдэг. Сүүлт одны үлдээсэн чулуурхаг хог хаягдал дэлхийн агаар мандалд ороход шатдаг. Жилийн туршид 900 гаруй солирын бороо ордог бөгөөд энэ нь нэг шөнө дунджаар 2-3 удаа солирын бороо ордог ч дэлхийгээс үзэгдэх нь бага. Харин долоодугаар сарын 29-30-нд шилжих шөнө үзэгдэх энэ солирын бороо нь тэнгэрийг бүрхэх мэт харагдах гэнэ.

“Тэнгэр галан зураасаар дүүрч харагдах тул хөдөө тал нутагт илүү үзэсгэлэнтэй байх нь мэдээж. Нүд тань харанхуйд дасахад ердөө 20 минут л хангалттай. Ямар нэгэн дуран, телескоп хэрэггүй, зүгээр л тэнгэр лүү хараарай” гэж Одон орон судлаачид мэдээлжээ. Ихэнх солирын бороо бага зэргийн хэмжээтэй байдаг бөгөөд одон орон судлаачид шинээр боловсруулсан багаж хэрэгслийн ачаар эдгээрийг системтэйгээр судалж, хэмжиж эхэлж байна. Бараг бүх солирын бороо өглөөний 2 цагаас 4 цагийн хооронд оргилдоо хүрдэг ажээ.