Үндэсний их баяр наадмын амралтын өдрүүдээр Богд хан уулын хамгаалалтын захиргааны албан хаагч, байгаль хамгаалагчид хариуцлагтай жижүүрийн үүрэг гүйцэтгэж ажиллажээ.

Тухайлбал, 2025 оны 07-р сарын 12 өдөр Богдхан уулын Чулуутын аманд гал гарсан байсныг ОБЕГ-т дуудлага өгч БЗД-ийн гал унтраах 63-р анги ирж унтраасан. 

7 дугаар сарын 17-ны өдөр Богдхан уулын Төрхурахын аманд тарвага агнасан зөрчлийг илрүүлэн, саатуулж БЗД-ийн цагдаагийн 3-р хэлтэст хүлээлгэн өглөө. Уг хэргийг БЗД-ийн 11-р хорооны 2 иргэн үйлдэн 1 тарвага агнасан байсныг 1 ш бууны хамт хураан авч мэргэжлийн байгууллагад хүлээлгэн өгч шилжүүллээ.

Мөн өдөр Зайсангийн амны баруун оргилд модны үндэс уугиж байсныг албан хаагчид иргэдийн тусламжтайгаар унтрааж гал түймрээс сэргийлжээ. Иргэд галын аюулаас сэрэмжилж анхаарал болгоомжтой амарч, аялахыг хүсье. Тусгай хамгаалалттай газар нутгийн тухай хуулийг чандлан мөрдөж, хууль бусаар зөвшөөрөлгүй ан хийхгүй байхыг Хамгаалалтын захиргаанаас анхааруулж байна.