ЦХИХХ-ны сайд болон аймаг, нийслэлийн Засаг дарга нарын хооронд 2025 онд хамтран ажиллах гэрээ байгууллаа.

Энэ нь Монгол Улсыг 2021-2025 онд хөгжүүлэх таван жилийн үндсэн чиглэл, “Алсын хараа-2050” Монгол Улсын урт хугацааны хөгжлийн бодлого, “Монгол Улсын Засгийн газрын 2024-2028 оны үйл ажиллагааны хөтөлбөр, Засгийн газрын зарим чиг үүргийг аймаг, нийслэлд хэрэгжүүлэх ажлын хүрээнд төрийн үйлчилгээний чанар, хүртээмж, үр ашгийг дээшлүүлэх, харилцаа холбоо, инновац, мэдээллийн технологийн дэвшилтэт технологийг нэвтрүүлэх зорилготойг ЦХИХХЯ мэдээлэв.

ЦХИХХЯ энэ онд 21 аймгийн Засаг дарга нартай харилцаа холбооны дэд бүтцийг нэмэх, цахим засаглалыг бэхжүүлэх, “Дижитал-Аймаг, Дижитал-Хот” бодлогын зөвлөмжийг хэрэгжүүлэх, кибер аюулгүй байдлыг хангах чиглэлээр 6 зүйл 36 заалт, нийслэлийн Засаг дарга бөгөөд Улаанбаатар хотын Захирагчтай 6 зүйл 45 заалтад тусгасан ажил, үйл ажиллагааг хамтран хэрэгжүүлэх аж.