Аймаг, нийслэл, сум, дүүргийн иргэдийн Төлөөлөгчдийн Хурлын 2024 оны ээлжит сонгуульд нэр дэвшигчид тодорлоо. 

Монгол Ардын намаас  нийслэлийн мандатын тоо албан ёсоор 45 нэр дэвшигч өрсөлдөх эрхээ авсны дотор Үнэнбатын Оюунзул багтжээ. Тэрээр 2020 онд “Ардын охин-Ардын хүч” уриатайгаар өрсөлдөж байсан Баянзүрх дүүргээсээ дахин нэр дэвшиж байна. 

Нийт 10 мандаттай тус дүүргийн хувьд өрсөлдөгчид олонтой хэдий ч Ү.Оюунзулын хувьд ялгарах онцлог их бий. Өнгөрсөн 2020 оны орон нутгийн сонгуулиар дүүрэгтээ хамгийн өндөр санал авч, бусдаасаа хол тасархай эрэмбэлэгдсэн. 

2020 оноос хойш хоёр ч удаа Баянзүрх дүүргийн Засаг даргад нэр нь яригдаж байсан гэдэг нь түүнийг хэчнээн чамбай төлөөлөгч бас дүүрэгтээ гялтганах эмэгтэй улс төрч болохыг нь батална. 

НИТХ-ын төлөөлөгч болсноор нийслэл, дүүргийн хөгжлийг ахиулах хүн төвтэй олон ажлыг хийсэн гэдгийг нь тогтмол тайлагнадаг ажлын тайлангуудаас нь харж болно. Түүнчлэн мод тарьж ургуулдаг гэдгээр л төсөөлөгддөг байсан “Үндэсний цэцэрлэгт хүрээлэн”-г нийслэлийн иргэдийн очих дуртай газруудын нэг болгож, чухамдаа ямархуу үүрэг рольтой газар вэ гэдгийг нь ч түмэнд тунхаглаж чадсан. 

Ү.Оюунзул нь МУИС-ийг улс төр судлаач, нийгмийн ухааны багш мэргэжлээр төгссөн, Төрийн захиргааны удирдлага мэргэжлээр мастер хамгаалсан, одоо Дотоод хэргийн их сургуулийн докторант. Өнгөрсөн хугацаанд чадвар чансаагаа харуулсан Ү.Оюунзулыг Баянзүрхчүүд дэмжиж, үргэлжлүүлэн хийх ажлыг нь даалгах цаг иржээ.