УИХ-ын 2024 оны ээлжит сонгуулиар парламентад МАН 68 суудал, АН 42 суудал, ХҮН нам найман суудал, Үндэсний эвсэл, Иргэний зориг ногоон нам тус бүр дөрвөн суудал авсан. Улс төрийн намынхаа дүрмээр УИХ-д олонхын суудал авч чадаагүй, намын дарга, Ерөнхий нарийн бичгийн дарга огцорч ажлаа өгч, хариуцлага хүлээх ёстой. 

Гэтэл өчигдөр /2024.07.07/ болсон АН-ын Үндэсний бодлогын хорооны хуралд, "өмнөх суудлаа ахиулсан тул Л.Гантөмөрийг огцорсон тооцох нь үндэслэлгүй гэж үзсүгэй" гэсэн тогтоолыг танилцуулж баталснаар тэрбээр үргэлжлүүлэн АН-ын даргын албан тушаалыг хашихаар болоод буй. Тэгвэл АН-ын Ерөнхий нарийн бичгийн даргын үүрэг гүйцэтгэгч Э.Одбаяр тус ажлаа өгч, түүний оронд УИХ-ын гишүүн асан Н.Ганибал томилогдсон байна. Н.Ганибалын хувьд УИХ-ын 2024 оны ээлжит сонгуульд Зүүн бүсэд нэр дэвшээд ялагдал хүлээсэн юм.