Л.Оюун-Эрдэнэ, Л.Гантөмөр, Т.Доржханд, Н.Номтойбаяр, Б.Батбаатар нарын нам, эвслийн дарга нартай ерөнхийлөгч уулзжээ

2024-07-01,   136

Монгол Улсын Ерөнхийлөгч У.Хүрэлсүх өнөөдөр УИХ-ын 2024 оны ээлжит сонгуульд суудал авсан нам, эвслийн удирдлагыг хүлээн авч уулзаж, УИХ-ын Анхдугаар чуулганыг товлон зарлах өдрийг зөвшилцлөө.

Уулзалтын эхэнд Ерөнхийлөгч УИХ-ын ес дэх удаагийн ээлжит сонгууль нь Үндсэн хуульд оруулсан нэмэлт, өөрчлөлтийн дагуу анх удаа 126 гишүүнийг хосолсон тогтолцоогоор сонгосон онцлогтой болсныг дурдав.

Ингэснээр 2024-2028 оны парламент нь олон намын төлөөлөл, ард түмний төлөөлөл, хамгийн олон эмэгтэй гишүүдээс бүрдэж чадсаныг тэмдэглэлээ.

УИХ-ын ээлжит сонгуульд суудал авсан нам, эвслүүд сонгуулийн үеэр өрнөсөн маргаан, талцлыг умартаж, улс орны нийтлэг эрх ашгийн төлөө нэгдмэл байж, ажлаа хийх цаг ирснийг ерөнхийлөгч сануулав.

зураг

 

зураг

 

зураг

 

Монгол Улсын тусгаар тогтнол, аюулгүй байдал, үндэсний эв нэгдлийг хангах, хамгаалахын төлөө харилцан ойлголцлыг чухалчилж, урагшаа харж ажиллахыг захилаа.

Уулзалтад Монгол Ардын Намын дарга, Ерөнхий сайд Л.Оюун-Эрдэнэ, Ардчилсан Намын дарга Л.Гантөмөр, ХҮН намын дарга Т.Доржханд, Үндэсний Эвслийн тэргүүн Н.Номтойбаяр, Иргэний Зориг Ногоон Намын дарга Б.Батбаатар нар оролцлоо гэж ЕТГ-ын ХМА-наас мэдээллээ.


Л.Оюун-Эрдэнэ, Л.Гантөмөр, Т.Доржханд, Н.Номтойбаяр, Б.Батбаатар нарын нам, эвслийн дарга нартай ерөнхийлөгч уулзжээ
Бусад мэдээ
Сэтгэгдэл
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд chig.mn хариуцлага хүлээхгүй.

Нийт сэтгэгдэл: 0
Шинэ мэдээ
Бидний тухай
Үнсэн цэс
2025 © Зохиогчийн эрх хуулиар хамгаалагдсан.