УИХ-ын сонгуульд 5-р тойрогт нэр дэвшигч Ч.Ундрамын ухуулагчаар ажиллаж байсан эрэгтэй өөрийгөө боомилсон байдалтай амь насаа алджээ.

Тодруулбал, Төв аймаг, Сүмбэр сум Жавхлант 2-р баг Өгөөжийн овоо гэх газарт 45 настай Р нь хашааны төмөр шонгоос цагаан өнгийн мяндсан уяагаар боомилсон байдалтай нас барсан. Төв аймгийн цагдаагийн газар шалгаж байна. Амь хохирогч согтууруулах ундаа хэрэглэсэн байж болзошгүй байгаа аж.

Өнгөрсөн долоо хоногт мөн Ч.Ундрам гишүүний ухуулагчаар ажиллаж байсан хоёр залуу усанд живж амиа алдсан гэх мэдээлэл олон нийтийн сүлжээгээр гарч байсан билээ.