Монголчууд бид 126 гишүүнтэй болох түүхэн сонголтоо хийхэд хэдхэн хоног үлдээд байна. Энэ үед сонгогчид та бүхэн хэрсүү байж өөрсдийн тойргоосоо нэр дэвшиж буй хүмүүсээ судалж байж сонголтоо хийхийг хэвлэл мэдээллийн байгууллагууд болон сэтгүүлчид өөрсдийн сувгаараа анхааруулж байгаа.

Саяхан сэтгүүлч Н.Өнөрцэцэг төвийн бүсийн тойрогт буюу Дархан, Сэлэнгэ, Төв аймагт нэр дэвшиж буй хүмүүсийг “могойн чуулган” тай зүйрлэж тухайн тойргоос нэр дэвшиж буй хүмүүсийн талаар иргэдэд хэрэгтэй мэдээллийг өгсөн. Энэ тойрогт ЖДҮ-чин, Боловсролын зээлийн санг тоногчид, Нүүрсчид, ёс зүйн асуудалд хутгалдсан элдэв хүмүүс нэр дэвшин УИХ-ын гишүүн болохоор зүтгэж яваа.

Эдгээр нэр дэвшигчдээс онцлоод хэлэх хүн нь Д.Өнөрболор гишүүн. Энэ хүн зөвхөн өөрийн бизнесээ хамгаалах гэж УИХ-д сууж байгаа гэхэд хилсдэхгүй. Сэтгүүлчид энэ хүнээс асуулт асуухад хариулж мэддэггүй. Монгол улсад юу болж байгаа талаар мэдээлэлгүй ганц гишүүн. Элдэв тендер, газрын наймааны асуудалд байнга орооцолдож явдаг. Зайсан толгойд баячуудын хороолол босгож баяжсан.