Өвөрхангай аймагт гарсан хэрэгтэй холбоотойгоор Ардчилсан намын Хууль эрхзүйн асуудал хариуцсан нарийн бичгийн дарга О.Баасанхүү мэдээлэл өглөө. Тэрбээр, “Өвөрхангай аймгийн Сант сумын АН-ын дарга, бидний журмын анд н.Батмөнх бусдын гарт аймшигтайгаар амь насаа алдлаа. Амь насанд нь халдсан этгээд МАН-ын албан ёсны ухуулагч гэдэг нь СЕХ-ноос лавлахад тодорхой болсон. Мөн УИХ-ын дарга Занданшатарын ухуулагад ажилласан байсан байж болзошгүй байна. Тийм учраас бид энэ асуудлыг маш ноцтойгоор хүлээж авч байгаа. Тиймээс цагдаагийн байгууллагад шаардлага хүргүүлж байна” гэлээ.