“Тууштай туршлагатай” Б.Тулга гэх уриа үгтэйгээр сонгуульд оролцож буй Б.Тулгийн туушгүй туршлагагүй  улс төрч гэдгийг уншигч та бүхэнд сануулъя.  

Экс ерөнхийлөгч Н.Энхбаярын улс төрд хөтөлж оруулсан хүү бол Дарханы гаралтай Б.Тулга. Ардын намыг хоёр хуваагдаагүй байх үеэс Н.Энхбаярын цүнхийг  барьж улс төрийн бялуунаас дээжийг нь хүртэж явсан нэгэн. Дархан хотын дээд сургуулийн багшаас боомтын сайд хүртэл дэвшсэн энэ залуу улс төрийн замналдаа МАН, МАХН хоёрын нэгдлээс хамгийн түрүүнд даргын суудал хүртсэн байдаг.

Улс төрийн олигтой карьергүй энэ залуугийн улс төрийн замнал дан ганц Н.Энхбаяраас л хамаардаг. Харин Н.Энхбаяр  хэн ч биш болоход Б.Тулгийн улс төрийн амьдрал хамт дууссан.

2021 онд МАН, МАХН нэгдэхэд Б.Тулга 20 жил улс төрд хөтөлж явсан Н.Энхбаярыгаа орхиж Ерөнхий сайд Л.Оюун-Эрдэнэтэй ойртож гүйснээр “Боомтын сайд”-ын суудалд заларсан юм. Угтаа бол Н.Энхбаяр Б.Тулгат болон түүний төрсөн ах Б.Хуяг нарт итгэж бүхий л компани улс төрийн томоохон суудлыг өгч өнөөдрийн эрх мэдэлтэй, эд хөрөнгөтэй Б.Тулгийг  бий болгосон байдаг.

Гэтэл өнөөдөр ардын намыг хувааж талцуулж явсан энэ залуу өөрийгөө тууштай хэмээн хэлж нэр дэвшиж яваад МАН-ын залуучууд дургүй байна. Хоёр нам дамнан талцуулж явсан Б.Тулга  Н.Энхбаярыгаа жийгээд их хурлын гишүүн болохоор 5-р тойрогт нэр дэвшиж явна.