Дарханы төмөрлөгийн үйлдвэрийг төрд авснаас хойш томилогдож очсон уурхайн  үйлдвэрлэлийн бодлогын газрын дарга Н.Батбаяр, үйлдвэрийн дарга Г.Дугаржав, Стратеги, бизнес хөгжлийн газрын дарга Г.Эрдэнэсүх нарыг АТГ-аас 30 хоногийн хугацаатай саатуулжээ. 

5-р сарын 27,28,29-ны өдрүүдэд АТГ-аас тус үйлдвэрт гүйцэтгэх ажиллагаа явуулж дээрх нэр бүхий гурван албан тушаалтныг саатуулсан байна. Ингэхдээ төмрийн хүдэр хилээр гаргахдаа агууламжийн зөрүү дээр тоглолт хийж их хэмжээний мөнгө завшсан байж болзошгүй хэмээн үзэж буй аж. 

 Саатуулагдсан нэр бүхий хүмүүсийг Б. Жавхлан сайдын хүмүүс гэх ба түүний сонгуулийн мөнгийг босгож байсан хэмээх цуу яриа аль хэдийн тархжээ.