БНАСАУ-ын талийгаач удирдагч Ким Ир Сений төрсөн өдрийн ойг тэмдэглэж байгаатай холбогдуулан Монгол Улсын Ерөнхийлөгч У.Хүрэлсүх  БНАСАУ-ын Хөдөлмөрийн намын ерөнхий нарийн бичгийн дарга Ким Чен Унд баярын цахилгаан илгээсэн талаар Хойд солонгосын хэвлэлээс эш татаж Sankei агентлаг өнөөдөр /2024.04.16/ мэдээллээ.

Монгол Улсын ерөнхийлөгч У.Хүрэлсүх баярын цахилгаандаа  “Таныг Монгол Улсад тохиромжтой цагтаа айлчлахыг дахин урьж байна.  Хоёр улс уламжлалт найрсаг харилцаатай байсан бөгөөд өнгөрсөн онд дипломат харилцаа тогтоосны 75 жилийн ой тохиосон билээ. Энэ айлчлал нь манай хоёр орны найрамдлын шинэ хуудсыг нээхэд чухал ач холбогдолтой гэдэгт итгэлтэй байна” хэмээн бичжээ.