Орхон аймгийн засаг даргын орлогчоор ажиллаж буй М.Түмэнжаргал нь өөрийн туслах эмэгтэйдээ ажлын байр нь дээр нь үйл хөдлөл болон үг яриагаараа бэлгийн дарамт үзүүлдэг талаарх гомдлыг МАН-ын дарга Л.Оюун-Эрдэнэд гаргажээ.

Дээрх гомдолд М.Түмэнжаргал нь ажлын байран дээр зүй бус үйлдэл гаргадаг мөн ёс бус үг хэллэгээр туслах эмэгтэйгээ харьцдаг талаар өгүүлжээ. Энэ талаар МАН-ын бүлгийн дарга С.Тогтохсүрэнгээс тодруулахад “орон нутагт тийм зүйл гарсан талаар гомдол ирсэн” үүнийг МАН-ын хяналтын ерөнхий хорооны дарга Б.Баярбаатараас  тодруул гэсэн боловч Б.Баярбаатар   утсаа авсангүй. Хохиргч эмэгтэй энэ талаараа ХЭҮК-т гомдлоо гаргаж хүний эрхийн комиссоос ажиллагаа хийхээр хуваарилсан байгаа аж.  

Ямартай ч ажлын байр нь дах бэлгийн дарамтад эмэгтэйчүүд өртөх тохиолдол манай улсад их гардаг. Ялангуяа орон нутагт эл үзэгдэл их байдаг боловч эмэгтэйчүүд нэр төрөө хадгалж үлдэхийн тулд өргөдөл гомдол гаргаж өгөхгүй байх тохиолдлууд элбэг байдаг гэдгийг өмнөх өмнөх олон хэргүүдээс харж болно.