МАН-ын тавиул, Ерөнхий сайд асан Л.Оюун-Эрдэнийн найз хэмээн хардагддаг Хэнтий аймгийн Засаг дарга Д.Аюурбунь 2024 онд аймгийн Засаг даргаар сонгогдохдоо МАН-ын бүлгийн нэр дэвшигчтэй өрсөлдөж, 18:17 буюу ердөө нэгхэнсаналын илүүгээр ялж, Засаг ноёны суудалд заларч байв. 

Засаг ноёны суудалд залармагцаа төсвийн мөнгөөр дураараа дургисан гэхэд хилсдэхгүй. Өөрөөр хэлбэл 2025 онд шинэхэн “Land criuser 300“ маркийн хөлөглөж, төсвийн мөнгөөр машиндаа ₮20 орчим сая төгрөгөөр хуулга наалган, зарим засвар үйлчилгээг хийлгэсэн нь баримтаар нотлогддог. Энэ тухай тэрээр “Шинэ машинаа элэгдэл, гэмтлээс сэргийлэх үүднээс хуулга наалгаж, өвөл, зуны дугуй авсан.” хэмээн тайлбарласан юм. 

Тэгвэл шинэхэн “LC300“ хөлөглөсөн Хэнтий аймгийн Засаг Д.Аюурбунийн 2025 онд АТГ-т шинэчлэн мэдүүлсэн ХОМ-ийг харахад өөрийн орлого нь буурч 112 сая, гэр бүлийн гишүүний орлого мөн буурч 43 сая төгрөг болж буурчээ. 

Тэрбээр мэдүүлэгтээ:

Өөрийн орлого: ₮112 сая
Гэр бүлийн орлого: ₮43 сая
Хөрөнгө борлуулсны орлого: ₮0 сая
Орон сууц барилга байгууламж: ₮928 сая /Орон сууц-3, авто гараж-2 /
Тээврийн хэрэгсэл: ₮50 сая  / Lexus, LX 450 /
Мал аж ахуй:₮265 сая / Үхэр-60, Хонь-120, Ямаа-80, Адуу-35/
Газар:₮405 сая /Эзэмших-3000м2-1, Эзэмших-672м2-1, Эзэмших-694м2-1, Эзэмших-699м2-4, Өмчлөх-600м2-1 нийт 8 газартай/
Үнэт эдлэл, урлаг, түүхийн үнэт зүйл: ₮30 сая
Хадгаламж: ₮49 сая
Авлага: ₮0 сая
Зээл:  ₮48 сая гэж мэдүүлжээ.