Амралтын хоёр өдөр шатахууны хомстолд нэрвэгдэж өнгөрөв. Зам дагуух ШТС-уудын дараалал түгжрэл үүсгэж, иргэд авсан шатахуунаа тухайн түгжрэлд зарцууллаа. Ид хүйтрэхтэй зэрэгцсэн энэ асуудал иргэд төрийн ордноо тойрон жагсах шалтгаан боллоо. 

Салбарын сайд даваа гарагийн өглөөг уучлал гуйж эхлүүллээ. Тодруулбал, өөрийн нүүр номдоо "2 өдөр тун хүнд өнгөрсөнд уучлал хүсье. ОХУ-ын талтай хийсэн эрчимтэй яриа хэлэлцээний үр дүнд өнөөдөр Улаанбаатар хотод 75 вагон буюу 4500 тонн АИ-92 бууна. Улаанбаатар хотын 4 өдрийн ердийн хэрэглээ гэсэн үг юм. Маргааш мөн 75 вагон АИ-92 бууна. Мөн АИ-95 автобензинийн хувьд БНХАУ-аас 3000 тонн, ОХУ-аас 600 тонн нийт 3600 тонн бууна. Аи-95 бензинийн хувьд 1 сарын ердийн хэрэглээ юм. Бүх ШТС-аар шуурхай түгээх ажлыг зохион байгуулж байна" гэлээ.