Энэ долоо хоногт УИХ-ын байнгын хороо болон чуулганы нэгдсэн хуралдаантай. Өнөөдөр /2025.12.22/ УИХ дахь МАН, АН-ын бүлгүүд болон ХҮН намын зөвлөлийн хуралдаан болно.

Түүнчлэн өнөөдөр Эдийн засгийн байнгын хорооны хуралдаанаар Монголбанкнаас хэрэгжүүлж байгаа орон сууцны ипотекийн зээлийн үйл ажиллагааны хөтөлбөрийн хэрэгжилтийг хянан шалгаж, санал дүгнэлт гаргах үүрэг бүхий ажлын хэсгийн хуралдаан болох юм.

Мөн Тамхины хяналтын тухай хуульд нэмэлт, өөрчлөлт оруулах тухай хуулийн төсөл, Хянан шалгах түр хорооны хуралдаанаар УИХ-ын тогтоолын төсөл,    Гадаад зээллэгийн ашиглалт, үр ашгийг нэмэгдүүлэх тухай хуулийн төсөл, Үл хөдлөх хөрөнгө борлуулахад төлдөг 2 хувийн татварыг хүчингүй болгох асуудлаар хуулийн төсөл санаачлах тухай нийтийн өргөдлийн талаарх Төсвийн байнгын хорооны санал, дүгнэлт зэрэг хэд хэдэн хуулийн төслийг хэлэлцэх товтой байна.