УИХ дахь МАН-ын бүлгийн өнөөдрийн /2025.11.24/ хуралдаанд Монголбанкны ерөнхийлөгчөөр “Эрдэнэс Монгол” ХХК-ийн гүйцэтгэх захирал С.Наранцогтыг томилох санал гаргасныг гишүүд нь дэмжжээ. Монголбанкны ерөнхийлөгч Б.Лхагвасүрэнгийн бүрэн эрхийн хугацаа дуусгавар болж байгаа тул шинэ ерөнхийлөгчийг томилох шаардлага үүссэн. МАН-ын Удирдах зөвлөл өнөөдөр хуралдаж, хэд, хэдэн томилгоог хэлэлцсэний дотор дээрх асуудал багтжээ. МАН-ын дарга, УИХ-ын дарга Н.Учрал бүлэгтээ Монголбанкны ерөнхийлөгчид С.Наранцогтыг нэр дэвшүүлж байгаа гэдгээ мэдэгджээ.

С.Наранцогт нь Сангийн яамны Төрийн нарийн бичгийн даргаар ажиллаж байгаад 2022 оны арваннэгдүгээр сард “Эрдэнэс Монгол” ХХК-ийн гүйцэтгэх захирлаар томилогдсон юм.

БОЛОВСРОЛ: 

• 1980-1988 онд Дундговь аймгийн төвийн 10 жилийн 1 дүгээр сургууль
• 1988-1990 онд МУИС-ийн гүнзгий лицей дунд сургууль
• 1994 онд МУИС-ийн Физик математикийн сургуулийг физикч математикч мэргэжлээр бакалавр
• 1999-2001 онд МУИС-ийн ийн Физик математикийн сургуулийг магистрын зэрэгтэй төгссөн
• 2008 онд БНСУ-ын Сөүлийн Үндэсний их сургуульд инженер- эдийн засаг мэргэжлээр доктор /Ph.D/-ын зэрэг хамгаалсан

АЖЛЫН ТУРШЛАГА: 

• 1993-1994 онд Шинжлэх ухааны академийн Математикийн хүрээлэнд туслах-эрдэм шинжилгээний ажилтан
• 1994-1997 онд Шинжлэх ухаан мэдээллийн төвд инженер, ахлах инженер
• 1997-2000 онд Монголын нээлттэй нийгэм хүрээлэнд хөтөлбөрийн зохицуулагч
• 2000-2003 онд Батлах хамгаалах яам, зөвлөх
• 2003-2005 онд Сангийн яаманд мэргэжилтэн, хэлтсийн дарга
• 2005-2008 онд БНСУ, Сөүлийн Үндэсний их сургуульд докторант
• 2008-2012 онд БСШУЯ-нд газрын дарга
• 2012-2015 онд Хөдөлмөрийн яаманд газрын дарга
• 2015-2018 онд Сангийн яаманд газрын дарга
• 2018-2022 Сангийн яаманд Төрийн нарийн бичгийн дарга
• 2022 онд Эдийн засаг, хөгжлийн Дэд сайд
• 2022-2025 онд "Эрдэнэс Монгол" ХХК-ийн гүйцэтгэх захирал