Засгийн газар ирэх таван жилд хийх шинэчлэлийн талаар танилцуулах үер Гэр бүл, хөдөлмөр, нийгмийн хамгааллын яамны сайд Т.Аубакирын хэлсэн үгнээс онцоллоо. 

Тэрбээр "Сүүлийн 20 жилд манай улсад төрөлт багасаж, гэр бүлийн салалт ихэссэн нь санхүүгийн асуудлаас болсон гэх статистик гарсан бөгөөд үүнтэй холбогдуулан ГБХНХЯ-наас Гэр бүлийн хөгжлийн тухай хуулийг боловсруулсан. Олон улсад гэр бүлийн хөгжлийг голцуу санхүүгийн хөшүүргээр буюу татварын хөнгөлөлтөөр дэмждэг туршлага байдаг учир уг хуульд гурав ба түүнээс дээш хүүхэдтэй эхнэр нөхөр хоёр зэрэг хөдөлмөр эрхэлж байгаа бол нэгийг нь хөдөлмөрийн хөлс, түүнтэй адилтгах татварыг хүн амын орлогын албан татвараас нь чөлөөлөх, дөрөв ба түүнээс дээш хүүхэдтэй айлын орон сууц худалдаж авах ипотекийн жагсаалтын дарааллыг урагшлуулах тухай асуудлыг тусгасан. Энэ нь ГБХНХЯ-ны хүн ам зүйн бодлогыг дэмжиж байгаа явдал юм гэв. Мөн Эрүүл мэндийн гэр бүлийн багц даатгалын үйлчилгээг санал болгож байгаа бөгөөд гэр бүл нэг эрүүл мэндийн даатгал төлсөн байхад гэр бүлийн гишүүд эрүүл мэндийн үйлчилгээг авч болдог зэрэг хөшүүргүүдийг хуульдаа тусгасан" гэв.