ЗГХЭГ-ын дарга С.Бямбацогт БНСУ-аас монгол улсад суугаа элчин сайд Чой Жин Вонтой уулзлаа. БНСУ-д манай олон мянган иргэн суралцаж, ажиллаж амьдардаг. Нөгөө талаас манай улсад ирэх солонгос жуулчдын тоо ч жилээс жилд нэмэгдсээр байгаа.

Өөрөөр хэлбэл ардын дипломат, хүн хоорондын эерэг харилцаа эрчимтэй хөгжиж байгаа билээ. Уулзалтын үеэр хэд хэдэн чухал асуудлаар ноён Чой Жин Вонтой санал солилцлоо.

Тухайлбал:

Монгол Улс, БНСУ-ын Засгийн газар хоорондын Хамтарсан хорооны 9 дүгээр хуралдааныг 11 дүгээр сарын 20-нд Улаанбаатар хотноо зохион байгуулах

Хоёр улсын иргэд харилцан адил нөхцөлөөр зорчих зарчмын хүрээнд монгол иргэдийн БНСУ-д зорчих нөхцөлийг хөнгөвчлөх, ойрын хугацаанд визгүй зорчдог болгох

БНСУ-ын хүчин төгөлдөр визтэй манай улсын иргэд солонгосын хил дээрээс буцаагдаж иргэдийг бухимдуулж буй асуудлыг зогсоох

Монгол Улсын төрийн албан хаагчдыг чадавхжуулах урт, богино хугацааны сургалтыг цаашид улам өргөжүүлэх

Засгийн газрын Хэрэг эрхлэх газраас БНСУ-ын КОЙКА-тай хамтран “Монгол Улсын төрийн албаны гүйцэтгэлийн удирдлагын тогтолцоог бэхжүүлэх нь 2023-2025” төслийг бүрэн үр дүнд хүргэх

БНСУ-ын хөнгөлөлттэй зээлээр хэрэгжиж буй “10 аймгийн төвийн дулааны станц барих” төслийн гүйцэтгэл зогсонги байдалтай байгаад онцгой анхаарал хандуулж төслийг эрчимжүүлэх

Газрын ховор металл, мэдээллийн технологи, хиймэл оюун ухаан зэрэг салбарт хамтын ажиллагааг өргөжүүлэх зэрэг сэдвээр ярилцаж ШИЙДЭЛТЭЙ ШИЙДВЭРТЭЙ ХАМТРАН АЖИЛЛАХ тал дээр хоёр тал идэвхтэй хамтран ажиллахаар тогтлоо.