Өнөөдөр /2025.11.05/ Төрийн байгуулалтын байнгын хороогоор УИХ-ын дэд дарга Х.Булгантуяаг чөлөөлөх эсэх асуудлыг хэлэлцлээ.

ТББХ-ны дарга Д.Цогтбаатар хэлэхдээ:

"Үндсэн хуулийн цэцийн нэг онцлог нь 29.3 заалт нь 30 жилд хоёр удаа л хэлэлцэгдсэн. Тэр асуудлаар маргаантай үедээ хэн ч Үндсэн хуулиа мэдэхгүй бол Үндсэн хуулийн зөрчилд орж магадгүй. Үүнийг эгүүлэн татаад байна гэвэл, сая төсвийн хууль хэлэлцэж байхад төсвийн хүрээний гадна шийдвэр гаргасан юм. Олон хүн ‘Үндсэн хууль зөрчсөн’ гэж хэлж байхад зарим нь тэгээгүй. Тэд нарыг буцааж татах уу? Тэр хүмүүс Үндсэн хууль зөрчсөн гэж бодоогүй байгаа. Иймээс УИХ шийдвэр гаргана. Одоо ТББХ дээр энэ асуудлыг ярьж байна" гэлээ.

Мөн тэрбээр "УИХ-ын тухай хуулийн 14.14.2-т УИХ-ын дэд даргыг огцруулах асуудлыг нам, эвслийн бүлгийн хүсэлтээр шийдвэрлэнэ гэж заасан. Үндсэн хуулийн цэцийн наймдугаар дүгнэлтийн хүрээнд, УИХ дахь МАН-ын бүлэг Үндсэн хуулийг зөрчсөн албан тушаалтанг дэд даргаас огцруулах хүсэлтээ УИХ-д оруулж, нэгдсэн хуралдаанаар шийдвэрлүүлэхээр болсон" гэсэн юм.