Өнөөдрийн /2025.10.31/ УИХ-ын чуулганы нэгдсэн хуралдаанаар ердөө хоёрхон асуудал хэлэлцэхээр товлосон.

• 10.00 цагт: Монгол Улсын 2026 оны төсвийн хүрээний мэдэгдэл, 2027-2028 оны төсвийн төсөөллийн тухай хуульд өөрчлөлт оруулах тухай хуулийн төсөл /Засгийн газар 2025.09.01-ний өдөр өргөн мэдүүлсэн, хоёр дахь хэлэлцүүлэг/
• 14.00 цагт: Улсын Их Хурлын асуулгын цаг

Гэтэл 10.00 цагийн хуралдаанаа 14.00 цагт эхлүүлэхээр хойшлуулжээ.

Хойшлуулсан тухай мэдээлэл УИХ-ын гишүүдэд 09.58 цагт мессежээр ирсэн байна. Өчигдрийн /2025.10.31/ чуулганаар гурван асуудал хэлэлцэх байсан ч санал хураалтад ирц бүрдээгүй шалтгаанаар, хоёр асуудлыг холбогдох байнгын хороод хэлэлцээгүй гэж хойшлуулсан билээ.