УИХ дахь МАН, АН-ын бүлэг өнөөдөр /2025-10-27/ 10.00 цагт хуралдах хуваарьтай.

Өнгөрсөн долоо хоногийн баасан гарагт АН-ын дарга О.Цогтгэрэл "Даваа гарагт АН-ын бүлэг Цэцийн шийдвэр болон Ерөнхийлөгчийн хоригийг хэлэлцэнэ” гэж хэвлэлд мэдээлэл өгсөн юм.

МАН-ын бүлэг ч мөн адил Ерөнхийлөгчийн хоригийн талаар хэлэлцэнэ.

Тус намын бүлгийн хувьд "хоёр" даргатайгаар хоёр долоо хоногийн туршид явсан. Ж.Бат-Эрдэнийн хувьд МАН ганцхан даргатай, тамгаа өгөхгүй гэх байр суурийг илэрхийлсээр байгаа. Эргэн сануулахад, өнгөрсөн долоо хоногийн даваа гарагт МАН-ын бүлгийн хурал хоёр даргатай эхэлсэн ч Ж.Бат-Эрдэнэ орхин гарснаар Ерөнхий сайд Г.Занданшатар талынхан үлдэж хуралдаанаа үргэлжлүүлсэн билээ.