УИХ-ын гишүүн Ц.Мөнхтуяа Монголын багш нарын үйлдвэрчний эвлэлийн холбооны цахим хуудаст дараах бичвэрийг оруулсныг бүрэн эхээр нь нийтэллээ.  Тэрбээр "Мөнхтуяа эхлээд ажил хаяна гээд таг болсон гэцгээж байна. Тийм ээ бид багш нарынхаа нийгмийн асуудлыг шийдүүлэх гэж үнэн тэмцэл үргэлж эхлүүлдэг. Үүнийг МҮЭХ ба Засгийн газартайгаа нийлж, ханцуй дотроо гэрээ мэт ярьж жонхуу зуурж наймаалцаж, цалинг нэмүүлэхгүй байх бодлогыг барьдаг. Энэ л башир муу аргаараа 8 сарын эхээр Боловсролын яаман дээр сайдад хандсан шаардлагыг няцаан өөрсдөө тэмцэгчийн дүрд хувиран орж ирээд мөнөөх л хуйвалдааны хамтын хэлэлцээр гэх нэртэй хуурамбаа бичгээрээ түрий барьж самарч байгааг олонх нь үл ойлгох нь харамсмаар. Ирэх 7 хоногт хуурамч тэмцэл нь зогсоно. 2017 оноос өнөөдрийг хүртэлх хугацаанд яг энэ хуурамч технологийг МҮЭХ ба Засгийн газар хамтран хийж багш ажилтнуудыг хөдөлмөрийн мөлжлөгт оруулсаар ирснийг тэдний авдаг цалин нь нотлоод өгнө. 2017 оноос өмнө багш нарын төлөө хэн ч дуугардаггүй, хамгаалдаггүй, үндсэн цалин нь 535000 төгрөг байсныг бүгд санаж байгаа биз ээ. Тэгэхээр энхрий хайрт МҮЭХ чинь багш нарынхаа төлөө хэрхэн ажиллаж байсан нь тэнэг хүнд ойлгогдохоор.

Би бол ад шоо үзэгдэж, элдвээр хэлүүлсэн ч үнэнг зоригтойгоор хэлж чаддаг учраас өнөөдрийг хүртэл тууштай явж ирсэн. Цаашдаа ч ад үзэгдэж доромжлуулсан ч үнэнийг хэлсээр, хийсээр л явах болно. Худал өнөөдөр хүчтэй байсан ч маргааш үнэнд ялагддаг болохоор харамсаад байх зүйл үлддэггүй юм" гэв.