УИХ-ын гишүүн Л.Оюун-Эрдэнэ Ерөнхий сайдаар ажиллаж байхдаа "Гашуунсухайт-Ганцмод" боомтын хил холболтын төмөр замын нээлтэд явахаасаа өмнө 2025.05.14-ны өдөр Ухаахудагийг Энержи Ресурс хууль зөрчиж авсан баримтуудыг тусгасан номыг УИХ-ын гишүүдэд тараасан.

Ухаахудагтай холбоотой баримтуудыг дэлгэсэн нь Л.Оюун-Эрдэнийн Засгийн газар огцрох гол шалтгаан болсон юм. Л.Оюун-Эрдэнэ байгалийн баялгийг ард түмэнд тэгш хүртээх тэмцлээсээ ухраагүй бөгөөд одоо Ухаахудагийг хууль бусаар хувьчилсан асуудлыг шалгах "Хянан шалгах түр хороо байгуулах тухай” Улсын Их Хурлын тогтоолын төслийг УИХ-д 33 гишүүний хамт 2025.10.06-ны өдөр өргөн мэдүүлсэн.

Уг тогтоолын төслийг маргааш УИХ-ын байнгын хороогоор хэлэлцэнэ. Байгалийн баялагтаа эзэн болох бүх ард түмэн анхаарах сэдэв энэ юм.