УИХ-ын дарга Д.Амарбаясгалан өнөөдөр /2025.10.02/ цаг үеийн мэдээлэл хийлээ.

Тэрбээр, "Улс төрийн дарамт, дарангуйлал бүрэн тогтсон байгааг өөрийн биеэр мэдэрч байна. хууль хяналтын байгууллага, Хэвлэл мэдээллээр, намайг нүүрсний хулгайч хэмээн зарлаж явсан хүнийг ХЗДХ-ийн сайдаар томилох мэдэгдлийг хийсэн. Өнгөрсөн хоёр жилийн хугацаанд нүүрсчин болгох гэж гүтгэж байсны учиг одоо тайлагдлаа, эцэст нь сайдын албан тушаалаар шагнагдаж байна. Өнгөрсөн хугацаанд би гэмт хэрэгт холбогдож, гэрчийн мэдүүлэг өгч байсан удаагүй.  Намайг гүтгэгч этгээд 30 сая ам.долларыг авсан, хүний амь хөнөөсөн гэж хэлсэн. Би 4 хүүхдийн эцэг хүн. Би улс төрчдийн шунал, эрх мэдлээс болж гүтгэгдэж доромжлогдох учиргүй" гэсэн юм.