МАН өнгөрсөн Бямба гарагт хуралдаж, намын даргаа шинээр сонгосон. Гэвч энэхүү сонгох процесс хууль зөрчсөн гэх асуудал хөндөгдөх болсон. Тэгвэл бид уг асуудлын талаар Хуульч Д.Азжаргалтай хэсэг хором ярилцлаа. 

1.Аливаа хурлын ирцийг яаж тооцдог юм бэ. Анхны ирцээр үү, сүүлд үлдсэн хүмүүсийн нийт тоогоор уу?

-Ер нь аливаа хурлын ирцийг мандатын эрх бүхий өөрөөр хэлбэл саналын эрхтэй гишүүдийн дийлэнх олонх нь хүрэлцэн ирснээр хурлыг хүчинтэйд тооцож хэлэлцэх асуудлыг баталж явдаг.

2.МАН-ын хурлын ирцийн маргаан эрх зүйн хувьд хэр үндэслэлтэй вэ?

-Хурлын хэлэлцэх асуудал хэлцэгдэж батлахаас өмнө ирсэн ирц, нэгэнт баталсны дараа ирсэн ирц бол өөр асуудал шүү дээ.

3. Хэрэв парламент дээр анхны ирцээр тооцоогүй бол гарсан тогтоол нь хүчинтэйд тооцогдох уу?

-Парламент дээр хэлэлцэх асуудалтай холбоотойгоор тухайн асуудлыг хэлэлцэж батлахдаа ямар ирцтэйгээр батлахыг тусгайлан хуулиар зохицуулсан байдаг.

 4.Хэрэв МАН-ын Бага Хурлын гишүүд хоёр талаас дээд шүүхэд гомдол гаргавал дээд шүүх шийдвэр гаргах боломжтой юу?

-Улсын Дээд Шүүхэд МАН ын Бага Хурлын гишүүд хоёр талаасаа гомдол гаргасан тохиолдолд Шүүх гомдлыг үзээд шүүхийн хамаарал бүхий маргаан мөн эсэх, хэрэг үүсгэх үгүйгээс шалтгаалж л асуудал хэлэлцэгдэн шийдэгдэх боломжтой.

-Ярилцсанд баярлалаа.