МАН өнгөрсөн Бямба гарагт хуралдаж, намын даргаа шинээр сонгосон. Гэвч энэхүү сонгох процесс хууль зөрчсөн гэх асуудал хөндөгдөх болсон. Тэгвэл үүнтэй холбогдуулан маш олон хуульч, өмгөөлөгч нар цахим сүлжээгээр дамжуулан байр сууриа илэрхийлжээ.

Хуульч А.Базар: “МАН-ын Бага хурлын гишүүдийн 2/3-ын саналыг авч чадаагүй болохоор зарим гишүүд гарсны дараа үлдсэн гишүүдийг 100 хувь гэж үзээд тэндээс 2/3-ын саналаар сонгосон юм гэнэ. Ийм жонхуурсан юм гэж юу байх вэ дээ. Энэ хурлын шийдвэр лав УДШ-ийн босгыг ч давахгүй юм байна. УДШ авч хэлэлцэхгүй буцаана” гэжээ. 

Улс төрийн намын хуулийн 17.6-д “Намын дүрэмд заасны дагуу … намын даргыг сонгоно.” гэж, МАН-ын дүрмийн 20.3.7-д “намын Их хурлын чөлөөт цагт намын дарга орон гарвал Бага хуралд оролцсон гишүүдийн гуравны хоёрын саналаар шинэ даргыг сонгох” гэж заасан.