МАН өнгөрсөн Бямба гарагт хуралдаж, намын даргаа шинээр сонгосон. Гэвч энэхүү сонгох процесс хууль зөрчсөн гэх асуудал хөндөгдөх болсон. Тэгвэл бид "Алтаргана хуулийн товчоо" хуулийн фирмийн захирал Б.Агар-Эрдэнэ дараах тодруулгыг авлаа. 

1.Ер нь аливаа хурлын ирцийг яаж тоолдог юм бэ. Анхны ирцээр үү, сүүлд үлдсэн хүмүүсийнхээ нийт тоогоор уу ?

-Монгол улсын их хурлын чуулганы хуралдааны дэгийн тухай хуулийн 7 дугаар зүйлд Хуралдааны ирц, 7.1.Хуралдааныг гишүүдийн олонх хүрэлцэн ирснээр хүчинтэйд тооцно, 7.2.Улсын Их Хурлын гишүүн хуралдаан эхлэх цагаас өмнө суудлаа эзэлсэн байна. Тиймээс анхны ирцээр тоологдоно.

7.3.Гишүүн өвчтэй буюу өвчтэй хүн асарсан, гадаад, дотоод томилолтоор явсан, түүнчлэн хурал, зөвлөгөөнд зайлшгүй оролцох шаардлагатай байсан бол хүндэтгэх шалтгаантай гэж үзэх бөгөөд хүндэтгэн үзэх шалтгаангүйгээр хуралдаанд ирээгүй бол хуралдаан тасалсанд тооцно, 7.4.Гишүүн хүндэтгэн үзэх шалтгаанаар хуралдаанд хүрэлцэн ирэх боломжгүй бол хуралдаан даргалагчид энэ хуулийн 7.3-т заасан шалтгаан, үндэслэлээ бичгээр урьдчилан мэдэгдэнэ.

2. Хэрэв парламент дээр анхны ирцээр тооцоогүй бол гарсан тогтоол нь хүчинтэйд тооцогдох уу?

-Улсын Их Хурлын нийт гишүүн буюу 126 гишүүний олонх буюу 64 болон түүнээс дээш гишүүн нь хүрэлцэн ирснээр тухайн өдрийн нэгдсэн хуралдаан эхэлнэ.

Монгол улсын их хурлын чуулганы дэгийн тухай хууль 10.11.Тухайн өдрийн хуралдаан эхлэхэд ирцэд бүртгүүлсэн гишүүн чөлөө аваагүй, хүндэтгэн үзэх болон энэ хуулийн 7.5-д заасан эсэргүүцэх шалтгаантайгаа мэдэгдэлгүй хуралдааныг орхиж гарсан, эсхүл бүртгэлээс гарсан /картаа сугалсан/ бол түүнийг хуралдааны ирцэд оруулж тухайн асуудлаар санал хураахад эсрэг санал өгсөнд тооцно.

3. Өнөөдөр яг МАН-ын дарга хэн бэ гэх хариултыг хууль зүйн хувьд хэн өгөх ёстой вэ?

-Д.Амарбаясгалан. Мөн Улсын Дээд шүүх эцсийн хариултыг өгнө.